1 perditesime
Kronikë e zezë

Policia dhe Spitali japin detaje rreth aksidentit në Gjakovë

Policia dhe Spitali japin detaje rreth aksidentit në Gjakovë
22:52

Policia dhe Spitali japin detaje rreth aksidentit në Gjakovë

Policia e Kosovës dhe përgjegjësit e Emergjencës në Spitalin "Isa Grezda" kanë dhënë detaje rreth aksidentit të mbrëmjes që ndodhi në Babaj të Bokës në Gjakovë. Zëdhënësi i Policisë së Kosovës për rajonin e Gjakovës, Nysret Xhurkaj ka thënë se pas aksidentit që kishte ndodhur mes dy veturave ishin lënduar 2 persona, më pas një automjet tjetër shkaku i shpejtësisë në të cilën ishte nuk ka mundur të frenojë dhe e ka goditur njërën nga veturat e aksidentuara.

Tre persona në këtë rast sipas zëdhënësit Xhurkaj janë dërguar në Spitalin Rajonal të Gjakovës, ku sipas tij janë duke u trajtuar.

Në ndërkohë Jeton Vorfi, shefi i Emergjencës në Spitalin Rajonal "Isa Grezda" të Gjakovës në interesimin e KOHËS ka njoftuar se nga aksidenti që ka ndodhur në Babaj të Bokës në fakt ndihmë mjekësore kanë kërkuar 6 persona.

"Kanë qenë 6 të lënduar, 4 persona me lëndime të lehta, 2 të tjerë ishin më rëndë, njëri është futur në sallën ortopedike në Gjakovë, ndërsa tjetri është trasferuar në Prishtinë për në kirurgji torakale, por me parametra stabil", ka thënë Vorfi.

19:55

Aksident i rëndë në Gjakovë

Një aksident trafiku me të lënduar dhe dëme materiale ka ndodhur në orët e mbrëmjes në afërsi të fshatit Babaj të Bokës së Gjakovës.

Albin Sahatqija, komandat rajonal i Trafikut në Gjakovë ka bërë me dije për KOHËN se aksidenti ka ndodhur rreth orës 18:40 mes dy automjeteve të të njëjtit lloj "Pasat".

Sipas komandantit Sahatqija të lënduar rëndë janë të dy shoferët, por për momentin jashtë rrezikut për jetë. Të dy ata janë dërguar për ndihmë mjekësore në Spitalin Rajonal "Isa Grezda" në Gjakovë.