Një mjet shpërthyes dyshohet se është vendosur të premten në Stacionin e Autobusëve në Prishtinë.
Për këtë, ka alarmuar një person, i cili nëpërmjet një telefonate anonime, i ka thënë policisë se ka vendosur mjet shpërthyes në këtë pjesë, ku brenda pak ditësh është alarmuar tri herë për vendosje të një mjeti të tillë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoZëdhënësja e Policisë për rajonin e Prishtinës, Flora Ahmeti, i ka thënë KOHËS se PK-ja i ka ndërmarrë të gjitha masat e sigurisë në atë zonë.
“Rreth orës 12:30, kemi pranuar një telefonatë anonime, përmes së cilës një person ka deklaruar se ka vendosur mjete shpërthyese në Stacionin e Autobusëve, në Prishtinë. Menjëherë policia ka ndërrmarë të gjitha masat e sigurisë në atë zonë. Në një perimetër të caktuar ka evakuuar qytetarët”, ka thënë Ahmeti.
Ajo tutje bëri të ditur se tashmë janë angazhuar njësitë përkatëse për trajtimin e informatës.
Një paralajmërim i tillë është ngritur dy ditë më parë, përkatësisht më 5 janar, dhe një tjetër më 23 dhjetor.