Policia e Kosovës ka arrestuar tre persona të dyshuar për keqpërdorime dhe marrje e patentë shoferit përmes ryshfetit.
“Policia e Kosovës, Drejtoria për Hetimin e Krimeve Ekonomike dhe Korrupsionit - Sektori i Hetimeve të Korrupsionit pas veprimeve hetimore të zhvilluara lidhur me dyshimet për keqpërdorime dhe marrje e patentë shoferit përmes ryshfetit, sot me datë 09.07.2021 si rezultat i hetimeve dhe veprimeve policore ka arrestuar në flagrancë tre persona të dyshuar. Personat e dyshuar janë arrestuar lidhur me dyshimet për kryerjen e veprave penale si “Pranim i ryshfetit në sektorin privat neni 309”, “Dhënie ryshfeti neni 421” dhe “Ndihma në kryerjen e veprës penale Marrje e ryshfetit”, thuhet në njoftimin e Policisë së Kosovës.
Me vendim të prokurorit nga Prokuroria Themelore e Prishtinës, personat e dyshuar janë ndaluar për 48 orë.
-
9 korrik 2021 19:43
-
Shpërndaje në: