Një grua 30 vjeç ka raportuar në polici dhunën në familje në rrugën “Xhemajl Mustafa” në Podujevë.
Pas kësaj informate rajoni i Policisë në Prishtinë ka arrestuar të dyshuarin D. A. 35 vjeç ndërsa gjatë bastisjeve policia ka sekuestruar armë dhe substanca narkotike.
“Një revole e llojit SigSauer, kalibër 7.65 mm, një karikator, dy copë fishek, kalibër 7.65 mu, një shufër metalike, dy thika dhe mjete të tjera të mprehta, si dhe sasi e konsiderueshme e substancës narkotike që dyshohet të jetë kanabis” thuhet në njoftimin e policisë.
I dyshuari pas arrestimit është dërguar në qendrën e mbajtjes për 48 orë dhe ndaj tij me rekomandimin e prokurorit të shtetit është iniciuar një hetim për rastet; dhunë në familje, posedim i paautorizuar i substancave narkotike, psikotrope dhe analoge si dhe mbajtje në pronësi, kontroll dhe posedim të paautorizuar të armës.
