Gjendet një veturë e braktisur në Lipjan, pronari i saj është i zhdukur që dy ditë
Policia e Kosovës ka bërë të ditur se me datë 09.04.2021 është raportuar për një veturë të braktisur në fshatin Janjevë të Lipjanit.
Njësitë policore kanë dalë në vendin e ngjarjes ku kanë vërejtur se bëhet fjalë për një veturë me targa vendore pronë e viktimës mashkull kosovar.
Fillimisht është tentuar që të kontaktohet viktima mirëpo nuk ka qenë e mundur pastaj janë kontaktuar bashkëshortja dhe vëllai i viktimës të cilët kanë deklaruar se viktima për herë të fundit është lajmëruar me datën 08.04.2021 dhe më nuk dihet asgjë për të.
Në lidhje me rastin është konsultuar prokurori i shtetit. Rasti vazhdon të hetohet.
