Kosovë

Automjetet shfaqen si bletët në rrugët e Pejës pas orës 16:00

Automjetet shfaqen si bletët në rrugët e Pejës pas orës 16:00

Asnjë thirrje nuk dëgjohet prej qytetarëve të Pejës. Sikur edhe ditët e kaluara, ndalimi për lëvizje prej orës 10:00 deri në ora 16:00 respektohet, por vetëm pak minuta pas orës 16:00 rrugët e qytetit vërshohen në qindra e qindra automjete, si në kohën e sezonit veror.

Edhe ditët e kaluara pamja e rrugëve ka qenë e njëjtë pas orës 16:00 dhe për shkak të rrezikut të madh nga qarkullimi i gjithë këtyre automjeteve në kohën e pandemisë me koronavirus dhe rastit të parë të shfaqur të enjten me koronavirus në këtë komunë, kreu i komunës së Pejës, Gazmend Muhaxheri ka thirrur qytetarët që të mos dalin pa nevojë në kohën e lirisë së lëvizjes, transmeton KOHA.