Kosovë

VV-ja dhe PDK-ja shpërfillin kërkesën e OJQ-ve që në krye të Kuvendit të caktohet një grua

VV-ja dhe PDK-ja shpërfillin kërkesën e OJQ-ve që në krye të Kuvendit të caktohet një grua

Seanca e jashtëzakonshme për zgjedhjen e kryesuesit të Kuvendit të Komunës së Prizrenit është caktuar që të mbahet në fillim të javës së ardhshme, ndërkohë që dy partitë më të mëdha që përfaqësohen në këtë organ kanë publikuar kandidaturat e tyre, shkruan sot Koha Ditore.

Përderisa Lëvizja Vetëvendosje ka shpalosur emrin e kandidatit për këtë funksion para më shumë se dy javëve, PDK-ja rishtazi ka publikuar kandidatin e saj, gjë që ka ngjallur reagime nga partitë e tjera opozitare. Ndërkohë në debat janë inkuadruar edhe aktivistet e shoqërisë civile, duke përkujtuar se deri më tani nuk ka kandidate nga radhët e këshilltareve.