Aktivistet e shoqërisë civile po kërkojnë që kryesimi i Kuvendit të Komunës së Prizrenit t’i besohet një gruaje.
Sipas tyre, me një zgjedhje të tillë, do të fuqizohej roli i gruas në vendimmarrjen e pushtetit lokal. Ndërsa përfaqësuesja e grupit joformal të grave në KK-në e Prizrenit ka theksuar se në parim e mbështet këtë nismë, porse për realizimin e saj nevojitet mbështetja e të gjithë këshilltarëve në organin më të lartë vendimmarrës të Prizrenit, shkruan sot “Koha Ditore”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAktivistja e shoqërisë civile, Elmedina Dorambari, ka disa javë që publikisht bën thirrje që këshilltaret e KK-së të votojnë për një kryesuese.
“Mendësia patriarkale e ngulitur tek kjo elitë përfaqësuese nuk rezonon ndryshe, pos përcjelljes së mesazheve në brezat e ardhshëm që politika mbetet hapësira e dedikuar vetëm për burra. Mirëpo, gratë munden, prandaj është rasti që ato në KK-në e Prizrenit ta kenë një pozitë drejtuese, në këtë rast një kryesuese të Kuvendit”, ka thënë Dorambari.
Ajo ka theksuar se Prizreni nuk meriton që në dekadën e dytë të mileniumit të dytë të mos e ketë një grua në këtë pozitë. Dorambari ka shtuar se situata e krijuar në KK-në e Prizrenit u ka dhënë rastin grave që përfaqësohen në KK që të jenë pjesë e solidarizimit dhe shtyrjes përpara të propozimit për kryesuese të KK-së.
(Artikullin e plotë mund ta lexoni sot në “Koha Ditore”)