Janë publikuar pamjet e para të filmit, “My Spy: The Eternal City”, që është vazhdimi i shumëpritur i hitit të vitit 2020, “My Spy”. Projekti në fjalë, që për çudi pati shikueshmëri të jashtëzakonshme gjatë kohës së pandemisë, për herë të parë e njoftoi publikun me agjentin e ashpër e të rrezikshëm të CIA-s dhe mikeshën e tij të vogël. Rolet kryesore luhen nga Dave Bautista dhe Chloe Coleman, të cilët po rikthehen në ekran të madh për ta portretizuar dyshen dinamike, JJ dhe Sophie.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë filmin e ardhshëm “My Spy: The Eternal City”, Sophie tani është një tinejxhere, e cila e bind JJ-in për ta shoqëruar në ekskursionin e shkollës së saj në Itali. Ajo që nis si detyrë e thjeshtë shoqëruese shumë shpejtë eskalon në një aventurë me plot situate të rrezikshme. Dyshja e gjen veten të përfshirë në një komplot ndërkombëtar të terrorizmit.
Në vazhdimin e dytë të filmit rikthehen me rol aktorët komik, Kristen Schaal dhe Ken Jeong. Kastës i bashkohen edhe emra të rinj si, Anna Faris, Craig Robinson dhe Flula Borg.
Me regji të Peter Segal, i cili po ashtu e ka bashkë-shkruar skenarin, filmi premton të sjell përzierje të zhanreve aksion dhe komedi, çka edhe i rrëmbeu zemrat e publikut në filmin e parë të lansuar më 2020-tën.
“My Spy: The Eternal City” pritet të shndërrohet në hit me t’u publikuar në platformën Amazon Prime Video, kurse premierën nëpër kinema e shënon më 18 korrik të këtij viti.