Një person është lënduar në një vetaksident trafiku të dielën në fshatin Zhabar të Mitrovicës.
Sipas njoftimit policor, vetura ka dalë nga rruga, e i lënduar ka mbetur ngasësi.
“Lëndime ka pësuar shoferi i veturës. Ekipet policore kanë dalë në vendin e ngjarjes”, ka njoftuar për KOHËN zëdhënësi i Policisë për rajonin e Mitrovicës, Avni Zahiti.
Njësiti policor i trafikut po merret me rastin.