Sulmuesi i krahut, Edon Zhegrova, nuk u aktivizua as në ndeshjen që Juventusi e fitoi ndaj Udineses me rezultatin 3:1 të mërkurën mbrëma.
Ai qëndroi në stol në ndeshjen e xhiros së nëntë të Serie A.
Dushan Vllahoviq shënoi golin e epërsisë në minutën e pestë nga penalltia. Nicolo Zaniolo barazoi rezultatin në minutën e parë shtesë të pjesës së parë.
Por Juventusi shënoi dy gola tjerë për fitoren 3:1.
Për 2:1 realizoi Federico Gatti në minutën e 67-të, kurse nga penallti i saktë në minutën e gjashtë shtesë të ndeshjes ishte Kenan Yildiz.
Edhe
Zhegrova qëllon shtyllën, vetëm barazimi për Juventusin
Zhegrova është kthyer nga lëndimi, por nuk po e fiton rastin të paraqitet për Juventusin.
26-vjeçari iu bashkua gjatë verës Juventusit nga Lille, ndërsa ka luajtur vetëm 33 minuta në Serie A dhe tre minuta në Ligën e Kampionëve.
