Trajneri i Juventusit, Igor Tudor, e ka ftuar Edon Zhegrovën për ndeshjen ndaj Real Madridit.
Juve të mërkurën nga ora 21:00 do të luajë ndaj Realit në udhëtim, në ndeshjen e vlefshme për xhiron e tretë të fazës së ligës në “Champions”.
Në listën e 23 futbollistëve figuron edhe emri i Zhegrovës.
Sulmuesi i Kosovës mungoi në ndeshjen e kaluar në Serie A, të cilën Juve e humbi nga Como me rezultatin 2:0.
Siç kanë raportuar mediumet italiane, Zhegrova ka munguar ndaj Comos për shkak se kishte telashe muskulore.
26-vjeçari këtë edicion ka luajtur vetëm 36 minuta.