Ylli i Paris Saint-Germainit, Achraf Hakimi, do të paraqitet në gjykatë me akuzë për dhunim. Kjo u bë e ditur të martën.
Hakimi është kapiten i Marokut dhe prej lojtarëve më të rëndësishëm të fituesit në fuqi të Ligës së Kampionëve, PSG-së.
Zyra e prokurorit në Nanterre kishte hapur një hetim në vitin 2023, pasi kundër mbrojtësit u bë një akuzë për përdhunim.
“Sot, vetëm një akuzë për përdhunim është e mjaftueshme për të justifikuar një gjyq, edhe pse unë e kundërshtoj atë dhe çdo gjë tregon se është e rreme”, ka shkruar Hakimi.
“Po e pres me qetësi këtë gjyq, i cili do të mundësojë që e vërteta të dalë publikisht”.
Në fund të shkurtit të vitit 2023, një 24-vjeçare shkoi në stacionin policor në Val-de-Marne, ku tha se ishte dhunuar, por nuk paraqiti ankesë zyrtare.
“Një gjyq po urdhërohet vetëm bazuar në fjalën e një gruaje që bllokoi të gjitha hetimet, refuzoi të gjitha ekzaminimet mjekësore dhe testet e ADN-së, refuzoi të lejonte që telefoni i saj të ekzaminohej dhe refuzonte të përmendte një dëshmitar kyç”, ka thënë avokatja e Hakimit, Fanny Colin.
Edhe
Hakimi në gjyq për akuzën për dhunim, thotë se mezi pret të flas
Sipas një burimi, paditësja pretendoi se lojtari e puthi, e preku pa pëlqimin e saj dhe më pas e përdhunoi.
Avokatja e Hakimit deklaroi se “dy vlerësime psikologjike të viktimës zbuluan mungesë qartësie në lidhje me faktet që ajo pretendonte se raporton”. Theksoi po ashtu se “ajo u pëpoq të fshihte nga autoritetet gjyqësore disa mesazhe të shkëmbyera me një nga shoqet e saj, duke planifikuar të grabiste Hakimin”.
Këto janë mohuar nga avokatja e gruas që bëri padinë.
