I biri i Rudi Vatës, ish-legjendës së Shqipërisë në futboll, Roco Vata, ka shënuar gol për Irlandën U21 në miqësoren e zhvilluar të dielën në Malaga ndaj Suedisë.
Irlanda U21 fitoi me rezultatin 3:2, ndërsa Vata 19-vjeçar, shënoi për 2:1 tre minuta pasi nisi pjesa e dytë.
Vata është mesfushor ndërsa aktivizohet te të rinjtë e Watfordit në Angli.
Kevin Zefi ishte në bankën rezervë te Irlanda, ndërsa Elison Makolli nuk u aktivizua te suedezët.