Turan Tovuz, skuadra nga Azerbajxhani, nuk do të luajë në edicionin e ardhshëm të Ligës së Konferencës për shkak të kurdisjeve që kanë bërë lojtarët e kësaj skuadre.
Kështu ka njoftuar Konfederata Evropiane e Futbollit (UEFA) të mërkurën.
Klubi ka thënë se do ta dërgojë çështjen në Gjykatën e Arbitrazhit Sportiv (CAS).
Turan përfundoi në pozitën e tretë në ligën e Azerbajxhanit dhe e siguroi vendin në raundin e dytë të kualifikimeve në Ligën e Konferencës.
Shorti do të tërhiqet pas dy javësh.
Edhe
Rregulli për “mbulimin e gojës” nuk do të prezantohet në futbollin evropian
Për të qenë pjesë e Ligës së Konferencës klubet duhet “të mos jenë të përfshira direkt apo indirekt” në kurdisjet e rezultateve në kampionatet vendore apo ndërkombëtare në dhjetë vjetët e fundit.
Shtatë lojtarë të Turanit ishin dënuar në vitin 2019 nga Federata e Futbollit e Azerbajxhanit.
