Skuadra e Toulouset është kundërshtarja e radhës e Paris Saint-Germainit në Ligue 1 të Francës.
Toulouse të shtunën nga ora 21:05 e pret Parisin në kuadër të xhiros së tretë të kampionatit francez. Parisi vlerësohet favorit.
Parisi në xhiron e kaluar me shumë vështirësi e mposhti Angersin me rezultatin 1:0. Parisienët e fituan edhe ndeshjen hapëse të sezonit të ri duke e mposhtur Nantesin po ashtu 1:0. Dy fitore i ka edhe Toulouse. Fillimisht e mposhti Nicen në udhëtim me rezultatin 1:0 kurse Brestin e mundi në shtëpi me rezultatin 2:0.
Toulouse kërkon që t’i fitojë tri ndeshjet e para në edicionin e ri për herë të parë që nga kampanja 2010/11.
PSG-ja ka fituar 21 nga 26 ndeshjet në Ligue 1 kundër Toulouset.
Të shtunën nga ora 17:00 luan edhe Lille ndaj Lorientit. Ndërkohë të dielën nga ora 17:15 Monaco takohet me Strasbourgun. Nga ora 20:45 takohen Lyoni e Marseille.