Tottenhami ka shprehur interesim për transferimin e kapitenit të Kosovës, Amir Rrahmani.
Kontrata e 31-vjeçarit me kampionin e Italisë, Napolin, skadon në vitin 2027. Por, pavarësisht se i është ofruar rinovimi i kontratës, një gjë e tillë ende nuk ka ndodhur.
“CalcioNapoli24” ka shkruar të premten se Tottenhami është “shumë i interesuar” për futbollistin e “Dardanëve”, pasi vlerësohet se e ka kualitetin dhe eksperiencën për të pasur paraqitje të mira në Premier League.
Rrahmani është në kulmin e karrierës dhe synon tjetër sfidë, shkruan mediumi italian.
Rrahmani javë më parë e fitoi titullin e dytë me Napolin në Serie A brenda tre vjetësh.
Tottenhami do të jetë pjesëmarrës në Ligën e Kampionëve në edicionin tjetër, pas triumfit në Ligën e Evropës.
Edhe
Rrahmani shfaqet me flamur të Kosovës në urimin për Napolin
Rrahmani nuk ka munguar në asnjë ndeshje në Serie A në këtë edicion, ndërsa një tjetër ndeshje e pati në Kupën e Italisë.
Në 39 ndeshje e ka një gol të shënuar e tri asistime.
