Kombëtarja U21 e Shqipërisë e ka fituar ndeshjen miqësore ndaj Luksemburgut U21 me rezultatin 3:1.
Miqësorja u zhvillua të premten në stadiumin “Air Albania”.
Luksemburgu kaloi në epërsi që në minutën e 13-të, por reagimi i “kuqezinjve” ishte i shpejtë, duke barazuar shifrat në 1:1 vetëm dhjetë minuta më pas, me golin e realizuar nga kapiteni Ermir Rashica.
Etnik Brruti realizoi supergol në minutën e 35-të, duke e kaluar Shqipërinë U21 në epërsi prej 2:1.
Ndërsa për 3:1 realizoi Kevin Dodaj në minutën e 88-të.
Shqipëria U21 do ta luaj edhe një miqësore tjetër. Më 17 nëntor po në Tiranë përballet me Spanjën.