Në 17 ndeshjet e para të edicionit, 33-vjeçari Xherdan Shaqiri ka shënuar gjashtë gola dhe ka asistuar në 11 të tjerë. Megjithatë, për t’u bërë më i miri për gola e asistime Shaqiri ende është larg
Kjo është mënyra e saktë se si Xherdan Shaqiri e ka imagjinuar kthimin te Baseli.
Me tetë gola e 12 asistime në të gjitha garat, organizatori i lojës ka pasur rol të madh te Baseli, që e synon titullin sërish. Vetëm në ligë, ai ka qenë i përfshirë në 17 gola në 17 ndeshje. Kjo do të thotë se Shaqiri është vetëm dy gola larg barazimit të rekordit nga edicioni i kaluar, shkruan gazeta zvicerane “Blick”. 33-vjeçari Renato Steffen në edicionin 2023/2024, i kishte gjashtë gola e 13 asistime. Pra ishte i përfshirë në 19 gola.
Shaqiri është afër që ta arrijë këtë rekord, por shumë larg rekordit të përgjithshëm. Në 21 edicione, qëkur Superliga nisi në edicionin 2003/2004, më të mirët vetëm njëherë kanë pasur më pak se 26 gola e asistime së bashku.
Kroati Mladen Petriq në edicionin 2006/2007, ishte i përfshirë në 21 gola.
Stephane Chapuisat e vendosi rekordin për Young Boysin në edicionin e parë të Superligës. Ai kishte shënuar 24 gola në edicionin 2003/2004, ndërsa kishte asistuar në 19 të tjerë. Ishte i përfshirë në 43 gola brenda një edicioni, shifër të cilën Shaqiri është larg ta arrijë.
Edhe
Shaqiri mund ta sfidojë rekordin e rëndësishëm
Ai duhet të përfshihet edhe në 26 gola në 17 ndeshjet e fundit të kampionatit. Duhet përmendur edhe faktin se futbollisti që u kthye në verë, mungoi në katër ndeshjet e para të edicionit.
Gazeta zvicerane ka përmendur edhe faktin se Superliga e Zvicrës kur u vendos rekordi kishte edhe dy ndeshje më shumë.
Chapuisat kishte shënuar apo asistuar mesatarisht çdo 70 minuta, ndërsa Shaqiri është i përfshirë në golat e Baselit me mesatare prej 75 minutave.
Nëse Shaqiri dëshiron të vendosë rekord, ai duhet të koncentrohet në asistime. Ai i ka 11 asistime pas 21 xhirove. Kjo nuk është e mjaftueshme për rekord.
Tetë herë lojtarë të elitës zvicerane kanë pasur më shumë asistime pas numrit të njëjtë të ndeshjeve të zhvilluara deri në këtë pikë të kampionatit.
Edhe
Shifrat e veçanta të Xherdan Shaqirit
Rekordin pas 21 ndeshjeve me asistime e mban Miroslav Stevanoviq, që kishte 15 asistime. Ai kishte vetëm edhe pesë asistime deri në fund të edicionit. Por, me 20 asistime vendosi rekord në Superligën e Zvicrës.
Nëse Shaqiri e vazhdon këtë ritëm, mund ta thyejë të paktën këtë rekord.
