Selektori i Serbisë, Dragan Stojkoviq, ka shpallur të martën listën për ndeshjen e 7 qershorit ndaj Shqipërisë. Ndeshja Shqipëri – Serbi zhvillohet në Arenën Kombëtare në Tiranë dhe i takon kualifikimeve për Botërorin 2026. Për Shqipërinë është ndeshja e tretë në këto kualifikime, ndërsa për Serbinë e para.
Lista e Stojkoviqit është e gjerë, ndërsa finalja do të shpallet më 30 maj. Më 2 qershor selektori serb do të flasë për media. Të njëjtën ditë bëhet grumbullimi i kësaj përfaqësuese për ndeshjet me Shqipërinë dhe atë me Andorrën, që zhvillohet më 10 qershor.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë listën e gjerë janë 29 lojtarë, ndërsa sulmi do të udhëhiqet nga Dushan Vlahoviq i Juventusit, Luka Joviq i Milanit dhe Aleksandar Mitroviq i Al-Hilalit. Lazar Samargjiq i Atalantas është emër tjetër i njohur.
Të gjitha mediat serbe kanë shkruar se Stojkoviqi ka befasuar me listën e shpallur të martën.
“Befasia më e madhe në listë është emri i Aleksandar Katai, që është ftuar pas katër vjet e gjysmë”, shkruan “b92.net”.
34-vjeçari Katai luan për Cërvena Zvezdën dhe i ka dhjetë paraqitje për Serbinë. Gjithsej gjashtë lojtarë të Superligës së Serbisë janë në listën e gjerë për ndeshjen me Shqipërinë.
Në përfaqësuese nuk është ftuar Sergej Milinkoviq-Saviq e as vëllai i tij, Vanja. Nuk janë ftuar edhe pesë lojtarë tjerë që ishin në ndeshjet e marsit.
Në Grupin K të kualifikimeve për Botërorin që mbahet në SHBA, Meksikë e Kanada janë edhe Anglia, Letonia e Andorra. Më 21 mars, Anglia fitoi 2:0 ndaj Shqipërisë, ndërsa Letonia e mposhti 1:0 Andorrën. Më 24 mars, Shqipëria fitoi 3:0 ndaj Andorrës, ndërsa Anglia fitoi me rezultat të njëjtë ndaj Letonisë.
Anglia është favorite e madhe e grupit, ndërsa Shqipëria e Serbia pritet të luftojnë për pozitën e dytë në grup që dërgon në barazh. Shumë rëndësi në këtë garë do të ketë ndeshja e 7 qershorit në Tiranë.
Interesimi për të përcjellë nga afër ndeshjen Shqipëri – Serbi është shumë i madh. Federata Shqiptare e Futbollit ka vendosur që përzgjedhja e shikuesve të bëhet përmes lotarisë, ndërsa aktualisht është i hapur afati i paraqitjes së interesimit.