Pasi mposhti fituesin në fuqi të Ligës së Kampionëve, Bayern Muncheni do të kërkojë të vazhdojë serinë e jashtëzakonshme të fitoreve edhe në Bundesligë.
Bayerni të martën e mposhti Paris Saint-Germainin me rezultatin, 2:1 në “Parkun e Princave”.
Bayerni është lider në elitën gjermane me 27 pikë. I ka fituar të gjitha 16 ndeshjet garuese të edicionit 2025/2026.
Ekipi që drejtohet nga trajneri Vincent Kompany të shtunën do të ketë punë të vështirë ndaj Union Berlinit.
Ndeshja Union Berlin – Bayern fillon nga ora 15:30 dhe i takon xhiros së dhjetë të Bundesligës.
Union Berlini ka 11 pikë në pozitën e dhjetë.
Bayerni ka fituar tetë nga 12 takimet e fundit ndaj Union Berlinit.
Edhe
Schalke synon ta befasojë Bayernin
Të shtunën është edhe një ndeshje interesante, që luhet ndërmjet Hoffenheimit dhe RB Leipzigut nga ora 15:30.
Për Hoffenheimin luajnë tre reprezentuesit e Kosovës, Fisnik Asllani, Leon Avdullahu dhe Albian Hajdari.
Hoffenheimi ka 16 pikë në pozitën e gjashtë. Leipzigu është në vendin e dytë me 22 pikë.
