Futboll

Nuk gabon Galata, fiton ndaj Rizesporit

Galatasaray

Galatasaray ka shënuar tjetër fitore në Superligën e Turqisë në futboll. 

Galata në kuadër të javës së katërt fitoi 3:1 në shtëpi ndaj Rizesporit. 

Davinson Sanchez i kaloi në epërsi vendësit në minutën e 20-të. 

Për 2:0 shënoi Victor Osimhen në minutën e 65-të. Tetë minuta më pas, Dal Varesanoviq, e ngushtoi rezultatin në 2:1. 

Mauro Icardi në minutën e 92-të e shënoi golin përfundimtar për 3:1. 

Rizesporit iu anulua edhe një gol i mesfushorit shqiptar, Qazim Laçi, në minutën e 34-t për shkak të pozitës jashtë loje. Laçi luajti deri në minutën e 88-të. Bashkëlojtari i Laçit, Altin Zeqiri, në lojë u inkuadrua në minutën e 60-të.