Werder Bremeni ka shprehur interesim për sulmuesin e talentuar kosovar, Arijon Ibrahimoviq.
Werderi po shqyrton mundësinë e huazimit të Ibrahimoviqit nga Bayerni.
Për interesimin e Werderit për Ibrahimoviqin ka shkruar edhe “Sky”.
Sipas “Sky”, drejtuesit e Bremenit kanë kontaktuar drejtuesit e Bayernit për 20-vjeçarin.
Ibrahimoviq është pjesë e gjigantit gjerman që nga viti 2018.
Në vitin 2023 luajti dy ndeshje për Bayernin, ndërsa më pas u huazua te Frosinone, Lazio dhe Heidenheimi.
Me Bayernin ka kontratë deri në qershor të vitit 2028.