Sot është edhe shorti për raundin e dytë kualifikues të Ligës së Evropës. Shorti është prej orës 13:00.
Fituesja në fuqi e Kupës së Kosovës, Prishtina, në raundin e parë kualifikues takohet me Sheriff Tiraspolin e Moldavisë, skuadër që është favorite.
Por nëse e kalon Sheriffin, Prishtina mund të përballet me gjigantin turk Beshiktash. Kundërshtarë tjerë potencialë të Prishtinës në raundin e dytë kualifikues janë Utrechti holandez, Hiberniani skocez dhe fituesi i ndeshjes Spartak Trnava (Sllovaki) – Hacken (Suedi).
Kundërshtaret e Prishtinës nëse eliminohet nga Liga e Evropës
Prishtina do të luante kundër Larnes së Irlandës së Veriut apo Audës së Letonisë në raundin e dytë kualifikues të Ligës së Konferencës, nëse eliminohet nga raundi i parë kualifikues i Ligës së Evropës.
Ndeshjen e parë do ta luante në udhëtim.