Pas ndarjes me Liridon Lecin, Liria e Prizrenit të hënën mbrëma e ka prezantuar trajnerin e ri.
Lirinë në vazhdim të kampionatit do ta drejtojë Ismet Munishi, njëri prej trajnerëve më të njohur në futbollin kosovar.
Munishi ka përvojë të gjatë në Superligën e Kosovës, ndërsa do të mundohet ta udhëheqë Lirinë drejt kthimit në nivelin superior.
Leci u shkarkua të dielën mbrëma, pas humbjes së thellë nga Trepça ’89 në xhiron e parë të stinorit pranveror.
Munishi së fundi ishte trajner i Dukagjinit të Klinës, por kishte dhënë dorëheqje në vjeshtë.