Luka Modriq ishte vendimtar të premten duke e shënuar golin e fitores për Milanin në përballjen ndaj Pisas.
Milani në kuadër të xhiros së 25-të të Serie A e mposhti në udhëtim Pisan me rezultatin 2:1.
Ruben Loftus-Cheek e kaloi në epërsi Milanin në minutën e 39-të.
Pisa shifrat i barazoi në minutën e 71-të me golin që e shënoi Felipe Loyola.
Ndërsa ikona kroate, Modriq, në minutën e 85-të shënoi për 2:1 për fitoren shumë të rëndësishme të “kuqezinjve”.
Milani humbi edhe penallti në minutën e 56-të. Nga pika e bardhë nuk u tregua i saktë sulmuesi gjerman, Niclas Fullkrug.
Milani ka 53 pikë në vendin e dytë. Pisa mbetet në pozitën e fundit me 15 pikë.