Paris Saint-Germaini është afër që ta fitojë titullin historik në Ligue 1 të Francës, të 12-tin.
PSG-së së drejtuar nga trajneri Luis Enrique i duhet vetëm fitorja ndaj Le Havres të shtunën nga ora 21:00 në “Parkun e Princave”.
Kjo ndeshje i takon xhiros së 31-të të elitës franceze të futbollit.
Në mesjavë, PSG-ja e kishte fituar ndeshjen e mbetur ndaj Lorientit 4:1 në udhëtim, me dy golat e Ousmane Dembeles dhe Kylian Mbappes.
Për PSG-në do të ishte titulli i 10-të në 12-të kampanjat e fundit.
Dhe është në garë për ta fituar “tripletën”, pasi luan në gjysmëfinale të Ligës së Kampionëve kundër Dortmundit, dhe është në finale të Kupës së Francës me Lyonin.
Edhe
Parisi synon tjetër fitore në Francë
PSG-ja nuk ka pësuar humbje në ligë në 25 ndeshjet e fundit dhe e ka vetëm një disfatë në total, atë nga Nice në shtëpi, në muajin shtator.
Le Havre është në rrezik për të rënë nga liga, pasi e ka fituar vetëm një ndeshje nga 12 të fundit. PSG-ja është lidere me 69 pikë, 11 më shumë se Monaco e vendit të dytë. Le Havre zë pozitën e 16-të, atë të barazhit, me 28 pikë.
