Interi fiton pa telashe në Belgjikë
Dy gola në fund të pjesës së parë kanë hapur rrugën për fitoren 4:0 të Interit në Belgjikë ndaj skuadrës Union Saint-Gilloise.
Denzel Dumfries shënoi në minutën e 41-të, ndërsa Lautaro Martinez në minutën e parë shtesë të pjesës së parë.
Në pjesën e dytë shënuan edhe Hakan Çalhanoglu në minutën e 53-të nga penalltia dhe Francesco Pio Esposito në minutën e 76-të.
Interi e shënoi fitoren e tretë rresht. Është i dyti në tabelë.
Unioni i ka tri pikë.
Dortmundi nuk gabon
Borussia Doortmund ka shënuar fitore bindëse në udhëtim kundër Copenhagenit në Danimarkë. Dortmundi mposhti 4:2 klubin danez, në ndeshjen e tretë të fazës së ligës në Ligën e Kampionëve.
Felix Nmecha shënoi dy gola, kurse me nga një gol kontribuuan edhe Ramy Bensebaini e Fabio Silva.
Copenhageni shënoi dy gola. Fillimisht autogol shënoi Waldemar Anton, kurse në minutën e 91-të shënoi gol Viktor Dadason.
Kampioni i Italisë turpërohet në Holandë
Kampioni i Italisë, Napoli, është turpëruar në Holandë të mërkurën mbrëma. Napoli pësoi 6:2 nga PSV-ja në xhiron e tretë të Championsit. Alessandro Buongiorn shënoi autogol në minutën e 35-të për rezultatin 1:1. Ismael Saibari në minutën e 38-të, Dennis Man në minutën e 54-t dhe të 80-të, Ricardo Pepi në minutën e 87-të dhe Couhaib Driouech në minutën e 89-të shënuan golat tjerë për PSV-në.
Scott McTominay shënoi dy golat për Napolin, në minutën e 31-të dhe 86-të.
Për PSV-në është fitorja e parë këtë edicion. I ka katër pikë.
Napoli mbetet me tri pikë.
PSG-ja “shkatërron” Bayerin në Leverkusen
Paris Saint-Germaini ka shënuar fitore të thellë të martën mbrëma në Leverkusen. Në kuadër të xhiros së tretë të fazës së ligës në Champions, PSG-ja fitoi 7:2 ndaj nënkampionit gjerman, Bayer Leverkusenit.
Ndeshja ishte shumë interesante dhe me plot gola.
Willian Pacho shënoi për 1:0 në të mirë të PSG-së në minutën e shtatë. Aleix Garcia barazoi në 1:1 nga pika e bardhë në minutën e 38-të. Por fundi i pjesës së parë ishte fatal për skuadrën gjermane.
Desire Doue në minutën e 41-të dhe minutën e tretë shtesë të pjesës së parë, si dhe Khvicha Kvaratskhelia në minutën e 44-t, shënuan për 4:1. Për 5:1 shënoi Nuno Mendes në minutën e 50-të.
Garcia e ngushtoi rezultatin në 5:2 në minutën e 54-t, por fituesi i Topit të Artë, Ousmane Dembele shënoi golin e gjashtë për parisienët në minutën e 66-të. Dembele u kthye nga një lëndim që e mbajti jashtë fushës nga fillimi i shtatorit.
Në minutën e 90-të për 7:2 realizoi Vitinha.
Robert Andrich i Leverkusenit u ndëshkua me të kuq në minutën e 33-të, ndërsa fushën po për ndëshkim me të kuq, në minutën e 37-të e la Illia Zabarnyi i Parisit.
Parisi e shënoi fitoren e tretë dhe goli në vendin e parë.
Leverkuseni mbetet me dy pikë.
City fiton, Haaland barazon një rekord të Ronaldos
Manchester City ka shënuar fitore 2:0 në udhëtim ndaj Villarrealit të martën mbrëma në Ligën e Kampionëve. City fitoi me golat e Erling Haalandit dhe Bernardo Silvas.
Haaland me golin e shënuar në minutën e 17-të barazoi një rekord të Cristiano Ronaldos. Shënoi gol në ndeshjen e 12-të rresht.
Sulmuesi norvegjez ka 24 gola dhe tre asistime në 14 ndeshje këtë edicion.
Për Cityn ishte fitorja e dytë, kurse ekipi spanjoll mbetet me një pikë.
Newcastle shënon fitoren e dytë rresht në Champions
Newcastle e ka shënuar fitoren e dytë rresht në fazën e ligës në Champions. Të martën mbrëma, Newcastle në shtëpi mposhti Benfican me rezultat 3:0.
Harvey Barnes në minutën e 70-të dhe 83-të shënoi dy gola, kurse një tjetër e realizoi Anthony Gordon në minutën e 32-të.
Arsenali shpërthen në pjesën e dytë për fitore bindëse
Lojtarët e Arsenalit kanë shpërthyer në pjesën e dytë për fitore bindëse ndaj Atletico Madridit.
Arsenali e fitoi 4:0 ndeshjen e xhiros së tretë të Championsit.
Në “Emirates” për 1:0 shënoi Gabriel në minutën e 57-të. Gabriel Martinelli shënoi golin e dytë në minutën e 64-t, kurse Viktor Gyokeres shënoi dy golat e tjerë për londinezët, në minutën e 67-të dhe 70-të.
Arsenali ka shënuar fitoren e tretë rresht.
Atletico mbetet me tri pikë.
Arsenali demolon Atleticon për 13 minuta
Arsenal ka shënuar katër gola për 13 minuta ndaj Atleticos.
Dy golat e fundit u shënuan nga Viktor Gyokeres në minutën 67-të dhe 70-të.
Arsenali e shënon golin e dytë
Arsenali ka shënuar për 2:0 në ndeshjen ndaj Atletico Madridit.
Gabriel Martinelli realizoi për londinezët në minutën e 64-t.
Arsenali në epërsi
Arsenali ka kaluar në epërsi 1:0 ndaj Atletico Madridit.
Në minutën e 57-të shënoi Gabriel, ndërsa asistimin e bëri Declan Rice.
Nuk ka të ndalur PSG-ja
Paris Saint-Germaini ka shënuar shpejt edhe golin e pestë kundër Leverkusenit.
Për 5:1 realizoi gol Nuno Mendes. Ai golin e pestë për fituesin e Ligës së Kampionëve e shënoi në minutën e 50-të.
Kampioni i Italisë po pëson pas pjesës së parë
Kampioni i Italisë, Napoli, kaloi në epërsi në minutën e 31-të me golin e Scott McTominayt. Por, pjesa e parë i takoi skuadrës vendëse PSV Eindhoven.
Skuadra holandeze barazoi shpejtë rezultatin. Katër minuta pas pësimit të golit, barazoi shifrat në 1:1 nëpërmjet autogolit të mbrojtësit, Alessandro Buongiorno.
Në minutën e 38-të Ismael Saibari shënoi golin e epërsisë 2:1 për PSV-në.
Me rezultatin 2:1 përfundoi pjesa e parë.
Ndërkohë skuadra tjetër italiane, Interi, është duke fituar 2:0 ndaj Royal Unionit.
Denzel Dumfries në minutën e 41-të dhe Lautaro Martinez në minutën e parë shtesë të pjesës së parë i shënuan golat për Interin.
Mbyllet pa gola pjesa e parë e derbit në Londër
Ka përfunduar baras, 0:0 pjesa e parë e ndeshjes derbi të Championsit ndërmjet Arsenalit dhe Atletico Madridit.
Kjo ndeshje është duke u zhvilluar në stadiumin “Emirates” në Londër.
Baras është mbyllur edhe pjesa e parë e ndeshjes Copenhagen – Dortmund. Si Copenhageni ashtu edhe Dortmundi shënuan nga një gol në pjesën e parë.
Parisi po shkatërron Leverkusenin, 4:1 pas pjesës së parë
Desire Doue ka shënuar tjetër gol në Leverkusen.
Me golin e tij, PSG-ja po udhëheq 4:1 ndaj Bayer Leverkuseni.
Doue shënoi golin e dytë të tij në ndeshje në minutën e tretë shtesë të pjesës së parë. Achraf Hakimi ishte asistues.
Kvara gjen cakun, Parisi udhëheq 3:1
Khvicha Kvaratskhelia shënoi për epërsinë 3:1 të Parisit ndaj Bayer Leverkusenit.
Pas një tollovie, Kvara shënoi golin e tretë për parisienët në minutën e 44-të. Pjesa e parë ishte shumë dramatike në Leverkusen. U shënuan katër gola, u dhanë dy penallti e po ashtu dy kartonë të kuq.
Shënon Doue, Parisi sërish në epërsi
PSG-ja po udhëheq 2:1 ndaj Bayer Leverkusenit në Gjermani.
Desire Doue shënoi në minutën e 42-të për fituesin në fuqi të Championsit.
Dramë në Leverkusen, barazon Bayeri
Bayer Leverkuseni e PSG-ja po zhvillojnë ndeshje shumë interesante në Gjermani. Tashmë rezultati është 1:1.
Willian Pacho kaloi në epërsi Parisin në minutën e shtatë.
Në minutën e 32-të Andrich i Bayerit u përjashtua me të kuq. Më herët, në minutën e 25-të, Grimaldo i skuadrës gjermane humbi penallti.
Tjetër penallti fitoi Bayer Leverkuseni në minutën e 37-të, kur me të kuq u përjashtua Zabarnyi i PSG-së.
Aleix Garcia shënoi në minutën e 38-të për 1:1.
Haaland barazon rekordin e Ronaldos
Erling Haaland ka barazuar rekordin e Cristoano Ronaldos. Haaland shënoi gol në ndeshjen e 12-të rresht.
Ai shënoi golin e epërsisë 1:0 së Manchester Cityt kundër Villarrealit, në kuadër të Ligës së Kampionëve.
Sulmuesi norvegjez ka 24 gola dhe tre asistime në 14 ndeshje këtë edicion.
VIDEO:
🚨🇪🇺 HAALAND OPENS THE SCORING FOR MANCHESTER CITY !!!!!!!!!!!!!!!!!!!!!!!
Villarreal 0-1 Manchester City.pic.twitter.com/va9PizVowO— Tekkers Foot (@tekkersfoot) October 21, 2025