Liria ka fituar thellë në udhëtim te Dinamo e Ferizajt. Skuadra e udhëhequr nga trajneri Ismet Munishi fitoi 5:1 në stadiumin e qytetit në Ferizaj dhe të pesë golat i realizoi në pjesën e parë.
Me fitore, e ka siguruar barazhin e Ligës së Parë, për inkuadrim në Superligë dhe do të luajë pikërisht ndaj Dinamos.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoLiria me fitore doli në pozitën e tretë me 71 pikë pas 34 xhirove, sa kishte edhe Dinamo që përfundoi në pozitën e katërt. Liria i ka ndeshjet e ndërsjella më të suksesshme se Dinamo dhe për këtë arsye doli para.
Prapa Dinamos mbeti Vëllaznimi me 70 pikë, pas humbjes në shtëpi nga Vushtrria, në xhiron e fundit të kampionatit.
Golat në fitoren e Lirisë i shënuan dy Dijar Nikqi, dhe nga një Muhamed Useini, Albion Kurtaj e Vigan Ademi.
Dinamo nga minuta e 59-të mbeti pa mesfushorin Frederick Kesse, që u përjashtua me të kuq pasi e goditi në fytyrë kapitenin e Lirisë, Kurtajn, në tentim për ta larguar një top në vijën anësore.
Golin e vetëm për Dinamon e shënoi Enhar Cakolli, në minutën e 86-të.
Liria e Prizrenit nga elita e futbollit kosovar ra në edicionin 2023/24. Synon të kthehet pas dy vjetësh, ndërsa Dinamo nuk ka luajtur në Superligën e Kosovës.
