Mbrojtësi anglez i Arsenalit, Myles Lewis-Skelly, ka thënë se dëshiron të mbetet për kohë të gjatë tek Arsenali, pasi nënshkroi kontratë të re pesëvjeçare me klubin e fëmijërisë.
Lewis-Skelly debutoi me ekipin e seniorëve në sezonin e kaluar, dhe më pas është kthyer në lojtar të rëndësishëm për trajnerin Mikel Arteta.
Lajmi për vazhdimin e kontratës së Lewis-Skellyt, i cili luajti në 39 ndeshje në të gjitha garat në sezonin e kaluar, u bë i ditur të enjten.
18-vjeçarit i skadonte kontrata e vjetër në vitin 2026.
Arsenali e përfundoi sezonin në Premier League në vendin e dytë, me dhjetë pikë më pak se Liverpooli kampion.
Edhe
Lëvdata të mëdha për Skellyn pas golit ndaj Shqipërisë
“Me këtë skuadër dua të fitoj çdo gjë që mund të fitohet. Kam marrë shumë eksperiencë nga ndeshjet e kaluara, por kam mësuar edhe nga gabimet që i kam bërë. Jam më se i gatshëm për sezonin e ri. Dua vetëm të mësojë e të përmirësohem”, ka deklaruar mbrojtësi i krahut të majtë i Arsenalit, që kontribuoi me një gol e tri asistime.
Në muajin mars, Lewis-Skelly u bë golashënuesi më i ri që shënon për Anglinë në debutim. Ai kishte realizuar në fitoren 2:0 ndaj Shqipërisë në “Wembley”, në ndeshjen e parë kualifikuese të Kupës së Botës 2026.
