Kosova synon tjetër paraqitje mbresëlënëse, si në fitoren 2:0 ndaj Suedisë, për ta bërë hapin e madh drejt Botërorit 2026.
“Dardanët” nga ora 20:45 luajnë përballë Sllovenisë, në ndeshjen që i takon Grupit B të kualifikimeve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdeshja zhvillohet në “Fadil Vokrri”, që do të jetë plot me shikues.
Në shtator, Kosova u mposht nga Zvicra në Basel me rezultatin 4:0, ndërsa fitoi ndaj suedezëve në Prishtinë.
Sllovenët barazuan me Suedinë 2:2 në ndeshjen e parë, dhe u mposhtën 3:0 nga Zvicra.
Kosova këtë vit ka shënuar rritjen më të madhe. Është e 91-ta në ranglistën e FIFA-s, derisa është promovuar edhe në Ligën B të Ligës së Kombeve.
“Dardanët” e kanë vetëm një humbje në fushën e lojës në 11 ndeshjet e fundit. I kanë shënuar 26 gola.
Humbja tjetër, në Gjykatën e Arbitrazhit Sportiv (CAS), ishte ajo ndaj Rumanisë me rezultatin zyrtar, 3:0.
Fitorja e radhës për lojtarët e udhëhequr nga Franco Foda, do të bënte që Kosova të hynte seriozisht në garë për Botërorin që vitin tjetër organizohet në Kanada, Meksikë dhe SHBA.
Kosova ka mungesa të shumta, por Foda ka theksuar se ekipi është gati.
