Futbollistet e Përfaqësueses së Kosovës, kanë pësuar tjetër humbje të thellë nga Turqia.
“Dardanet” e drejtuara nga selektori Sami Sermanxhaj, pësuan disfatë në Izmir të martën mbrëma me rezultat 3:0.
Ishte ndeshja kthyese e plejofit për Ligën B në Ligën e Kombeve.
Melike Pekel në minutën e 22-të shënoi golin e parë, kurse për 2:0 nga penalltia e saktë ishte Kader Hançar.
Busum Sheker e shënoi golin e tretë në minutën e 78-të.
Javën e kaluar në Prishtinë pësoi disfatë nga Turqia me rezultat, 4:0 dhe edicionin e ardhshëm do të paraqitet sërish në Ligën C.
Kosova po pëson disfatë edhe në Izmir
Futbollistet e Kosovës kanë pësuar dy gola gjatë 45 minutave të parë të ndeshjes kundër Turqisë.
Ndeshja Turqi – Kosovë po luhet në Izmir.
Është ndeshja kthyese e plejofit për Ligën B të Ligës së Kombeve.
Ndeshjen e parë, “Dardanet” në Prishtinë e humbën thellë 4:0.