Ashtu si pritej, Kosova ka shënuar fitore të thellë ndaj Gjibraltarit, autsajderit të kualifikimeve për Kupën e Botës 2027.
Të martën mbrëma në “Fadil Vokrri” në Prishtinë, futbollistet e Kosovës fituan 6:0. Ishte kjo ndeshja e parë për Kosovën në kualifikimet për Botëror.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDerisa Kosova ka përvojë në disa cikle kualifikuese për Botëror e Evropian, për Gjibraltarin ndeshja e së marëts ishte historike. Ishte e para në kualifikime.
Futbolli i femrave është ende pak i zhvilluar në Gjibraltar, ndërsa përfaqësuesja e Gjibraltarit është paraqitur për herë të parë në edicionin e kaluar të Ligës së Kombeve. I humbi të gjitha gjashtë ndeshjet, kurse nuk e shënoi asnjë gol.
Rrjedhimisht Kosova ishte favorite e madhe të martën dhe e arsyetoi këtë.
Kaltrina Biqkaj e shënoi golin e parë për “Dardanet” që në minutën e katërt të ndeshjet. Sara Sahiti realizoi për 2:0 në minutën e 26-të.
Me rezultatin 2:0 përfundoi pjesa e parë. Modesta Uka e shënoi golin e tretë në minutën e 63-të, kurse kapitenia Erëleta Memeti realizoi për 4:0 në minutën e 72-të. Dy golat e fundit mbajnë firmën e Gentiana Fetajt. Ajo shënoi në minutën e 76-të dhe 87-të.
Kosova është në Grupin 2 të Ligës C. Kualifikimet organizohen në tri nivele, përkatësisht në tri liga. Prej Ligës C është i mundshëm vetëm kualifikimi në plejof.
Në ndeshjen tjetër të grupit C2, Kroacia fitoi 1:0 në udhëtim ndaj Bullgarisë. Më 7 mars janë ndeshjet Kroacia – Kosova dhe Gjibratlari – Bullgaria.
Fituesi i grupit kualifikohet në plejof dhe avancon në Ligën B. Ndërkohë kualifikimi në plejof është i mundshëm edhe prej vendit të dytë në grup.
Kosova në epërsi prej dy golash pas pjesës së parë
Futbollistet e Kosovës po udhëheqin 2:0 ndaj Gjibraltarit, pas pjesës së parë të ndeshjes në “Fadil Vokrri”.
Kaltrina Biqkaj shënoi në minutën e katërt, kurse Sara Sahiti në minutën e 26-të.
Kosova është favorite e madhe në këtë ndeshje.
Gjibraltari debuton në kualifikime dhe është përfaqësuesja më e dobët e tyre.
Ndeshja i takon Grupit 2 të Ligës C të kualifikimeve për Botërorin 2027.