Gjermania të dielën e pësoi humbjen e parë me selektorin Jurgen Klopp.
Gjermania u mposht nga Greqia me rezultatin 1:0, në ndeshjen që i takoi Grupit A2 të Ligës së Kombeve.
Joshua Kimmich ka pranuar se Gjermania duhet të bëjë shumë më tepër.
Kimmich ka kërkuar më shumë nga bashkëlojtarët e tij, duke theksuar se skuadra duhet të përshtatet më mirë me idetë e përzgjedhësit Klopp.
“Duhet të përmirësohemi në çdo aspekt. Duhet t’i kuptojmë edhe më mirë idetë e trajnerit. Mendoj se ajo që ai po kërkon nga ne është shumë e mirë dhe do të na ndihmojë. Tani është në dorën tonë që ta zbatojmë në fushë. Ai është shumë i qartë për atë që kërkon nga ne”, ka thënë mesfushori i Bayern Munchenit, shkruan të hënën “Goal”.
Edhe
Vetëm një pikë për Gjermaninë ndaj Greqisë
Gjermania pas dy ndeshjeve ka një pikë. Renditet në pozitën e tretë. Grupit i prin Greqia me gjashtë pikë. Në vendin e dytë është Holanda me katër pikë.
Gjermania në ndeshjen e parë barazoi 1:1 me Holandën.
