Një gol i David Neresit i ka mjaftuar Napolit që ta mposhtë Romën dhe “ta rrëzojë” nga shansi për t’u rikthyer në pozitën e parë në Serie A.
Napoli fitoi si mysafir 1:0 ndaj romakëve në formë, dhe tani i është bashkuar Milanit në krye të tabelës.
Neres e shënoi golin e fitores në minutën e 36-të.
Kampioni i sezonit të shkuar ka 28 pikë pas 13 ndeshjesh, aq sa ka edhe Milani. Roma është ndalur në 27 pikë dhe humbi shansin për t’u kthyer sërish në krye.