Mbështete KOHËN. Ruaje të vërtetën
Futboll

Juventusi pret rezultatet mjekësore për Zhegrovën

JUVENTUSI

Juventusi është në pritje të rezultateve të kontrolleve mjekësore për Edon Zhegrovën, i cili është lënduar gjatë grumbullimit me Përfaqësuesen e Kosovës, shkruan të hënën “Tuttosport”. 

Zhegrova u lirua nga grumbullimi dhe nuk do të jetë në dispozicion për ndeshjen ndaj Irlandës.

Zhegrova do të kthehet në Torino, ku do të vlerësohet nga stafi mjekësor i Juventusit. 

Ekzaminimet do të përcaktojnë shkallën e lëndimit dhe nëse futbollisti do të ketë nevojë për pushim apo trajtim të mëtejshëm.

“Tuttosport” ka shkruar se ky lajm nuk është aspak i mirë për Juventusin. 

"Zonja e Vjetër" është duke u përballur me lëndime të shumta të futbollistëve. 

27-vjeçari Zhegrova luajti 82 minuta në barazimin pa gola të Kosovës ndaj Izraelit. 

Ende nuk dihet nëse Zhegrova do të jetë i gatshëm për ndeshjen e radhës të Juves kundër Venezias, që zhvillohet më 22 nëntor.