Të premten në mesditë në Nyon të Zvicrës u tërhoq shorti për plejofin e Ligës B të Ligës së Kombeve.
Kosova do të luajë kundër Islandës në muajin mars të vitit të ardhshëm.
Përderisa te Kosova ishin të pranishëm zyrtarët e Përfaqësueses së Kosovës, te Islanda mungoi selektori Age Hareide.
Ishte asistenti i tij, David Snorri Jonasson.
Kjo ka bërë që mediumet në Islandë të shkruajnë për një largim të mundshëm të Hareides dhe në mars, Islanda të udhëhiqet nga ndonjë selektor tjetër.
E ardhmja e tij ende është e paqartë. Kontrata e tij skadon pas një jave.
Edhe
Islanda shpall listën, synohen fitore ndaj Kosovës
“Age ende ka kontratë, por njerëzit flasin për të dhe për ne. Duhet të ulemi dhe të bisedojmë në qetësi”, ka thënë Thorvaldur Orlygsson, kryetari i Federatës së Futbollit të Islandës, shkruan të premten mediumi islandez “Fotbolti.net”.
Sipas këtij mediumi, Arnar Gunnalaugsson dhe Freyr Alexandersson, janë kandidatët potencialë për zëvendësimin e Hareides.
