Vendimi është dhënë. Kapiteni i Zvicrës, Granit Xhaka, njoftoi publikisht dënimin për falsifikim të certifikatës për COVID-19. 34-vjeçari mori një gjobë me kusht.
Xhaka e bëroi të ditur rezultatin e procedurës penale kundër tij në Instagram të enjten. Ai u dënua me urdhër ndëshkues për mashtrim me një gjobë me kusht prej 50 tarifash ditore prej 3,000 franga. Periudha e provës është dy vjet dhe Xhaka nuk do të duhet të paguajë gjobën. Ai tashmë i ka paguar shpenzimet gjyqësore.
“Pas dhënies së deklaratës sime të plotë në zyrën e prokurorit publik, vendimi është lëshuar. Kjo do të thotë: Dënimi nuk do të zbatohet nëse nuk kryej ndonjë vepër penale të mëtejshme gjatë kësaj periudhe. Kam paguar shpenzimet gjyqësore”, ka shkruar Xhaka në Instagram.
Xhaka pranoi se kishte falsifikuar dy certifikata vaksinimi gjatë pandemisë së koronavirusit. Kjo ndodhi pasi “Blick” kishte bërë publike një hetim përkatës nga zyra e prokurorit publik të Luzernit.
“E pranoj vendimin dhe marr përgjegjësinë”, vazhdoi Xhaka.
-
Shpërthen skandali në Zvicër, pas Xhakës edhe Embolo dyshohet për certifikatë false
-
A po i rrezikohet imazhi Granit Xhakës?
-
Yakin flet për herë të parë për situatën e Xhakës, a do të ftohet sërish?
-
Mjekja e Xhakës mund të përballet me pasoja të rënda
-
Kur do të merret në pyetje Xhaka për falsifikim të certifikatës për COVID19?