Kapitenia e Përfaqësueses së Kosovës, Erëleta Memeti, ka shënuar gol të dielën për skuadrën e Eintracht Frankfurtit.
Por goli i Memetit nuk i mjaftoi Frankfurtit që të dielën pësoi disfatë 3:2 nga Freiburgu në udhëtim.
Kjo ndeshje i takoi xhiros së gjashtë të elitës gjermane për futbolliste.
Memeti e shënoi golin e epërsisë 2:1 për Frankfurtin në minutën e 70-të. Por për nëntë minuta Freiburgu e përmbysi rezultatin duke i shënuar dy gola të shpejtë për fitoren 3:2.
26-vjeçarja Memeti në lojë u inkuadrua nga minuta e 57-të.
Memeti shënoi gol dhe bëri një asistim edhe në xhiron e tretë në fitoren 4:3 të Frankfurtit ndaj RB Leipzigut.