Gjilani e ka mbyllur me epërsi 1:0 pjesën e parë të ndeshjes kundër Lirisë së Prizrenit.
Ndeshja që i takon 1/8 të finales së Kupës së Kosovës po luhet në fushën me bari artificial në Gjilan.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoArmend Thaqi në minutat shtesë të pjesës së parë shënoi golin e epërsisë 1:0 për Gjilanin. Mbrojtësi i krahut realizoi nga penalltia.
Liria më pas shënoi gol nëpërmjet ish-lojtarit të Gjilanit, Muhamed Useini. Por me vendim të VAR-it, goli u anulua për shkak të pozitës jashtë loje.
Për Munishin është debutim në krye të Lirisë së Prizrenit.
Ndërkohë, Malisheva është duke fituar 2:0 ndaj Trepçës ’89, kurse Vushtrria 1:0 ndaj Vëllaznimit.
Për Malishevën golat i shënuan, Assane Diatta në minutën e 31-të dhe Arbër Pira në minutën e 35-të.
Golin për Vushtrrinë e shënoi Erion Krasniqi në minutën e 33-të.
Gjilani, Malisheva e Vushtrria kalojnë në çerekfinale të Kupës
Gjilani, Malisheva dhe Vushtrria kanë kaluar në çerekfinale të Kupës së Kosovës në futboll. Tri ndeshjet e radhës të 1/8 së finales të Kupës së Kosovës në futboll, u zhvilluan të enjten.
Gjilani e eliminoi Lirinë e udhëhequr për herë të parë nga trajneri Ismet Munishi. Gjilani mposhti Lirinë e Prizrenit 2:1 në shtëpi, kurse Malisheva e fitoi 4:0 ndeshjen kundër Trepçës ’89.
Vushtrria po ashtu fitoi ndeshjen e saj në shtëpi. Mposhti Vëllaznimin 2:0.
Golin e parë për Gjilanin e shënoi Armend Thaqi nga penalltia në minutën e tretë shtesë të pjesës së parë.
Për 2:0 shënoi Hamdi Namani. Për mesfushorin Namani ishte debutim me fanellën e Gjilanit. Ai shënoi me kokë në minutën e 65-të pas harkimit të kapitenit Thaqi.
Dijar Nikqi në minutën e 85-të shënoi golin e vetëm për Lirinë. Prizrenasve iu anuluan edhe dy gola për shkak të pozitës jashtë loje.
Ndërkohë, Malisheva siguroi kalimin në çerekfinale pas fitores së thellë 4:0 ndaj Trepçës ’89.
Në fitoren e Malishevës shkëlqeu Assane Diatta. Ai realizoi dy gola dhe kontribuoi me një asistim.
Ai hapi serinë e golave në minutën e 31-të. Katër minuta më vonë gol shënoi edhe Arbër Pira.
Diatta në minutën e 75-të shënoi golin për 3:0, kurse asistoi për golin e katërt të shënuar nga Valmir Nafiu në minutën e 88-të.
Në çerekfinale u kualifikua edhe Vushtrria. Vushtrriasit mposhtën Vëllaznimin e Gjakovës me rezultat 2:0.
Golin e parë për Vushtrrinë e shënoi Erion Krasniqi në minutën e 33-të, ndërsa për 2:0 realizoi Lis Demiri në minutën e 78-të.
Në çerekfinale kanë kaluar edhe Llapi, Ferizaj, Dukagjini dhe Ballkani.
Më 18 shkurt nga ora 13:00 është dueli ndërmjet Feronikelit 74 dhe Dinamos së Ferizajt.