Galatasaray e ka nisur me fitore mbrojtjen e titullit të kampionit.
Galata të premten mbrëma në udhëtim e mposhti Gaziantepin me rezultatin e thellë 3:0. Kjo ndeshje i takoi xhiros së parë të edicionit të ri në elitën e futbollit turk.
Të tre golat, Galata i shënoi në pjesën e parë.
Baris Alper Yilmaz realizoi për 1:0 në minutën e 12-të.
Katër minuta më pas, Eren Elmali, e shënoi golin e dytë. Yilmaz e shënoi edhe golin e tretë krejt në fund të pjesës së parë.
Gaziantepi nga minuta e 64-t luajti me një futbollist më pak në fushë pasi portieri Mustafa Bozan u ndëshkua direkt me karton të kuq.
Galatasaray edicionin e kaluar e fitoi edhe Kupën e Turqisë.