Luiz Araujo dhe Giorgian de Arrascaeta kanë shënuar gola për fitoren 2:0 të Flamengos së Brazilit ndaj skuadrës nga Tunizia, Esperance de Tunis.
Ndeshja e luajtur në Philadelphia para 25 mijë shikuesve i takoi Grupit D të Kupës së Botës për Klube në futboll.
Ekipi brazilian llogaritej favorit dhe nuk lejoi befasi.
Flamengo dominoi nga fillimi, kurse Araujo në minutën e 17-të krosoi për De Arrascaetan që shënoi për 1:0. Araujo shënoi golin e dytë në minutën e 70-të, pasi u asistua nga Jorginho. 33-vjeçari Jorginho u largua nga Arsenali para turneut. Ai kishte fituar Botërorin e Klubeve në vitin 2021 me Chelsean.
Në ndeshjen e parë të Grupit D, Chelsea fitoi 2:0 nda Los Angelesit.
