Albian Hajdari, Leon Avdullahu dhe Fisnik Asllani me Hoffenheimin të shtunën kanë shënuar fitore 3:0 ndaj Augsburgut, në kuadër të javës së 12-të të Bundesligës gjermane.
Në fitoren e Hoffenheimit nga minuta e parë u paraqitën tre futbollistët e Kosovës.
Të tre golat, Hoffenheimi i realizoi në pjesën e parë.
Bazoumana Toure shënoi për 1:0 në minutën e 16-të. Dhjetë minuta më pas golin e dytë e realizoi Wouter Burger.
Cedric Zesiger shënoi autogol në minutën e 45-të për rezultatin përfundimtar, 3:0.
Avdullahu dhe Hajdari e kompletuan ndeshjen, kurse Asllani luajti deri në minutën e 59-të.
Futbollisti tjetër i Kosovës, Elvis Rexhbeçaj, tek Augsburgu u paraqit nga fillimi i pjesës së dytë.
Hoffenheimi ka 23 pikë dhe renditet në pjesën e epërme të tabelës.
Augsburgu është një pjesën e poshtme të tabelës me dhjetë pikë.