Fitore e vështirë e Rumanisë ndaj Lituanisë

Përfaqësuesja e Rumanisë ka vuajtur për fitoren ndaj Lituanisë, në kuadër të Grupit 2 të Ligës C të Ligës së Kombeve.

Të hënën mbrëma në Bukuresht, Rumania fitoi 3:1. Por ndeshja u vendos vetëm në minutat e fundit.

Valentin Mihaila kaloi në epërsi rumunët në minutën e katërt të ndeshjes. Armandas Kucys shënoi për 1:1 në minutën e 34-t.

Rumunët më pas rreshtuan sulmet në kërkim të golit të dytë. Por ishin lituanët që dërguan topin në rrjetë. Goli megjithatë u anulua pas rishikimit të VAR-it, me pretendim se ishte shkaktuar faul ndaj portierit rumun.

Në minutën e 87-të u dha penallti për Rumaninë, ndërsa i saktë nga pika e bardhë ishte Razvan Marin. Alexandru Mitrita shënoi golin e tretë për Rumaninë në minutën e 92-të.

Rumania shkëputet në pozitën e parë në grup me gjashtë pikë. Kosova e Qipro i kanë nga tri pikë, ndërsa  Lituania mbetet pa pikë.

Rumania po has në vështirësi në ndeshjen me Lituaninë

Edhe Futboll 15 tet 2024 Rumania nuk gabon ndaj Lituanisë

Ndonëse favorite e madhe, Rumania po ka shumë telashe ndaj Lituanisë. Pas minutës së 80-të rezultati është 1:1 në ndeshjen në Bukuresht.

Madje Lituanisë iu anulua një gol nga VAR-it.

Lituania të premten pësoi 1:0 nga Qipro, kurse Rumania fitoi 3:0 ndaj Kosovës.