Pas publikimit të listës së përditësuar të enjten gjatë ditës, FIFA ka konfirmuar edhe përfaqësueset nëpër vazo, para shortit të kualifikimeve për Kupën e Botës 2026 në futboll.
Shorti i kualifikimeve evropiane për Botërorin 2026 do të jetë më 13 dhjetor në Zurich të Zvicrës, nga ora 12:00.
Kosova, ashtu siç pritej, është konfirmuar në vazon e katërt, dhe në grup pritet t’i ketë tri përfaqësuese më të forta.
Në vazon e parë janë tetë përfaqësueset çerekfinaliste të Ligës së Kombeve, Kroacia, Danimarka, Franca, Gjermania, Italia, Holanda, Portugalia, dhe katër përfaqësueset e tjera më të ranguara në UEFA, Anglia, Belgjika, Zvicra dhe Austria.
“Dardanët” të enjten pas publikimit të listës së re, renditen në vendin e 99-të.
Kualifikimet për Botërorin që pas dy vjetësh organizohet në Kanada, Meksikë dhe SHBA, do të nisin në mars të vitit të ardhshëm.
Nëse kualifikohet, Kosova do të jetë në vazon e katërt për shortin e Botërorit
Por, Kosova fillimisht në muajin mars do të luajë në plejofin për inkuadrim në Ligën B të Ligës së Kombeve ndaj Islandës.
Vazo 1: Franca, Spanja, Portugalia, Italia, Anglia, Zvicra, Kroacia, Holanda, Danimarka, Gjermania, Belgjika, Austria
Vazo 2: Ukraina, Suedia, Turqia, Uellsi, Hungaria, Serbia, Polonia, Rumania, Greqia, Sllovakia, Çekia, Norvegjia
Vazo 3: Skocia, Sllovenia, Republika e Irlandës, Shqipëria, Maqedonia e Veriut, Gjeorgjia, Finlanda, Islanda, Irlanda e Veriut, Mali i Zi, Bosnjë-Hercegovina, Izraeli
Edhe
Kosova të enjten i mëson kundërshtarët e parë në Ligën B
Vazo 4: Bullgaria, Luksemburgu, Bjellorusia, Kosova, Armenia, Kazakistani, Azerbajxhani, Estonia, Qipro, Ishujt Faroe, Letonia, Lituania
Vazo 5: Moldavia, Malta, Andorra, Gjibraltari, Lihtenshtajni, San Marino
