Në verën e vitit 2023, Interi vendosi të ndryshojë portierin. E shiti Andre Onanan te Manchester Unitedi për më shumë se 50 milionë euro. Ndërkohë e angazhoi Yann Sommerin nga Bayerni për vetëm 6,9 milionë euro.
Derisa Onana vazhdon të ketë telashe tek Unitedi, Sommer ka pasur periudhë shumë të suksesshme tek ekipi italian. Në edicionin e parë, Sommer 36-vjeçar e fitoi kampionatin dhe Superkupën e Italisë. Këtë edicion, Sommer e udhëhoqi Interin drejt finales në Champions.
Shkëlqeu të martën mbrëma në ndeshjen e kthimit ndaj Barcelonës, duke i bërë shtatë pritje. Të paktën tri prej tyre ishin vendimtare, ndërsa njëra po vlerësohet prej më të mirave në histori të Championsit. U shpall lojtar i ndeshjes.
Interi është edhe në garë për titull në Serie A.
