Ange Postecoglou nuk është më trajner i Tottenhamit. Ndonëse e udhëhoqi skuadrën drejt triumfit në Ligën e Evropës, Postecoglou është shkarkuar të premten nga klubi i njohur anglez.
Ai i dha fund periudhës prej 17 vjetësh pa trofe të klubit.
Tottenhami ka pasur edicion dëshpërues në Premier League, ku përfundoi i 17-ti. Dhe kjo e la pa punë Postecogloun.
Gjatë dy vjetëve me australianin në krye të skuadrës, Tottenhami i fitoi 47 prej 101 ndeshjeve.
