Futbollisti që aktivizohet në krah te Manchester City, Oscar Bobb, mund të largohet nga skuadra angleze në muajin janar, ka raportuar Fabrizio Romano të enjten.
Largimi i tij mund të bëhet nëse në muajin e ardhshëm në skuadër transferohet sulmuesi i Bournemouthit, Antoine Semenyo.
Në rast të transferimit të tij, largimi i Bobbit do të jetë edhe më i mundshëm. Borussia Dortmundi është njëri prej klubeve të interesuar për futbollistin që përfaqëson Norvegjinë.
22-vjeçari ka luajtur në 15 ndeshje për Manchester Cityn në të gjitha garat e këtij sezoni, por ende nuk ka shënuar gol.