Milot Rashica u inkuadrua te Beshiktashi të enjten mbrëma në minutën e 65-të në ndeshjen çerekfinale të Kupës së Turqisë.
Dhe e mbylli ballafaqimin me asistim, në fitoren 3:0 të Beshiktashit ndaj Alanyasporit.
Rashica asistoi bukur në golin e tretë të skuadrës së tij në minutën e 85-të, kur shënoi Orkun Kokcu.
Kristjan Asllani u inkuadrua në minutën e 91-të te Beshiktashi, ndërsa Florent Hadërgjonaj e kompletoi ballafaqimin te mysafirët.
Beshiktashi në gjysmëfinale të Kupës së Turqisë do të ballafaqohet me Konyasporin që e eliminoi Fenerbahçen të martën mbrëma.
