Barcelona do të synojë të vazhdojë serinë pozitive në La Liga.
Barça, që është lidere, të dielën nga ora 14:00 e pret Villarrealin në ndeshjen që i takon xhiros së 13-të të elitës së futbollit spanjoll.
Gjiganti katalunjas ka mbledhur 33 pikë nga 36 të mundshme në 12 ndeshjet e para. Ky bilanc e bënë këtë edicion ndër më të suksesshmit në historinë e klubit në La Liga.
Megjithatë, epërsia prej vetëm tri pikësh në krye të tabelës e bën të domosdoshme fitoren në përballjen ndaj Villarrealit.
Reparti ofensiv ka qenë pika më e fortë e skuadrës së Hansi Flickut, me një mesatare prej katër golash për ndeshje.
Në pesë ndeshjet e fundit si vendase në kampionat, Barça ka realizuar 22 gola, duke regjistruar katër fitore dhe një humbje.
Villarreal udhëton në Barcelonë me synimin për të shkaktuar befasi. E zë vendin e tetë me 15 pikë.
Villarreali dy fitoret e vetme në udhëtim këtë edicion i ka arritur ndaj skuadrave që aktualisht ndodhen në fund të tabelës.
Barcelona ka pësuar dy humbje në pesë ndeshjet e fundit në La Liga ndaj Villarrealit, ndërsa Villarreali ka fituar tri herë në udhëtim ndaj Barçës që nga edicioni 2021/22.
Ndeshje e vështirë në fundjavë e pret edhe Real Madridin.
Reali të shtunën nga ora 21:00 e pret Celta Vigon. Reali ka 30 pikë në pozitën e dytë.
Celta Vigo e zë vendin e 11-të me 13 pikë.